Sunday, November 7, 2010

ಬಾರೆ ಭಾವದ ಗೆಳತಿ

ನಿನ್ನ ಹೊಳೆವ ಕಣ್ಣಿನ
ಕಾ೦ತಿಯಾದರೆ ನಾನು,
ನಿನ್ನ ನೋಟಕೊ೦ದು ಪಥವಾಗಲೇನು?

ನಿನ್ನ ಹಣೆಯ ಮೇಲಿನ
ಮು೦ಗುರುಳಾದರೆ ನಾನು,
ನಿನ್ನ ಸನಿಹಾಗಲೇನು?

ನಿನ್ನ ಕೆನ್ನೆಯ ಮೇಲೆ
ಚ೦ದ್ರನಾದರೆ ನಾನು,
ನಿನ್ನ ಬಾಳಲಿ ಬೆಳಕಾಗಲೇನು?

ನಿನ್ನ ನಗುವಿನ
ಭಾವವಾದರೆ ನಾನು,
ನಿನ್ನ ಜೀವದ ಉಸಿರಾಗಲೇನೂ?

ನಿನ್ನ ಬಡಿವ ಹೃದಯದ
ತುಡಿತವಾದರೆ ನಾನು,
ನಿನ್ನ ಮನಸಿನ ಬ೦ಧಿಯಾಗಲೇನು?

ನಿನ್ನ ಭಾವದ
ವೀಣೆಯಾದರೆ ನಾನು,
ನಿನ್ನ೦ತರ೦ಗವ ಮೀಟಲೇನು?
ಬಾಳ ಬೆಳಗಲೇನೂ....
ಬೆಳಗಲೇನೂ........
.........

21 comments:

  1. ಕವನ ಬಹಳ ಚೆನ್ನಾಗಿ ಮೂಡಿಬಂದಿದೆ, ಭಾವಗಳ ಲೋಕದಲ್ಲಿ ಯಾರೂ ಏನನ್ನೂ ಚಿಂತಿಸಬಹುದಲ್ಲವೇ ? ಅದಕ್ಕೆ ಯಾರಿಂದಲೂ ನಿರ್ಬಂಧವಿಲ್ಲವಲ್ಲ ? ಹೀಗಾಗಿ ಗೆಳತಿಯೊಬ್ಬಳ ಕಲ್ಪನೆಯಲ್ಲಿ ವಿಹರಿಸಿ ಅವಳ ಭಾಗವಾಗಿ ತಾನೇನಾದರೆ ಏನನ್ನು ಕೊಡಬಹುದು ಎಂದು ಬಿಂಬಿಸಿದ್ದೀರಿ, ಅಭಿನಂದನೆಗಳು ಮತ್ತು ಧನ್ಯವಾದಗಳು

    ReplyDelete
  2. ಕುಮಾರ,
    ಈ ಮಧುರವಾದ ಭಾವಗೀತೆಯನ್ನು ಕೇಳಿದ ಯಾವುದೇ ಹುಡುಗಿಯಾದರೂ ನಿಮ್ಮ ಬಿನ್ನಹಕ್ಕೆ ಒಪ್ಪುವಳು ಎನ್ನುವ ಭರವಸೆ ನನಗಿದೆ!

    ReplyDelete
  3. ಪ್ರೇಮದ ಮಧುರ ನಿವೇದನೆ..

    ever green topic..

    ಸುಂದರವಾಗಿ ಓದುಗರ ಮನ ಮುಟ್ಟುವಂತೆ ಅಲ್ಲ..ಗೆಲ್ಲುವಂತಿದೆ..

    ಮುದ್ದಾದ ಕವನಕ್ಕೊಂದು...ಪ್ರೀತಿಯ ಮುತ್ತು.

    ReplyDelete
  4. ರಸಸಮಯದ ಕವನ ಮುದ ನೀಡಿತು.

    ReplyDelete
  5. ಸುನಾಥ್ ರವರೇ ಒಪ್ಪಿದವರೇ ಅಪ್ಪಿಕೊ೦ಡಿರುವಾಗ ಚಿ೦ತಿಲ್ಲ. ಧನ್ಯವಾದಗಳು.

    ReplyDelete
  6. ವೆ೦ಕಟಕೃಷ್ಣರಿಗೆ ಪ್ರೀತಿಯ ಅಭಿನ೦ದನೆಗೆ ಧನ್ಯವಾದ.

    ReplyDelete
  7. ಶ್ರೀಕಾ೦ತ್ ಮತ್ತು ಸೀತಾರಾಮ್ ರವರೀಗೆ ಧನ್ಯವಾದ.

    ReplyDelete
  8. ಶುದ್ದ ಒಲವಿನ ನವಿರಾದ ಭಾವನೆಗಳನ್ನು ಬಹಳ ಚೆನ್ನಾಗಿ ಬರಹವಾಗಿಸಿದ್ದಿರಿ. ಬಹಳ ಚೆನ್ನಾಗಿದೆ ಕವನ - ಭಾವನೆಯ ಅಭಿವ್ಯಕ್ತಿ.

    ReplyDelete
  9. ಬಹಳ ಚೆನ್ನಾಗಿದೆ...

    ReplyDelete
  10. ಕು.ಸು.ಮುಲಿಯಾಲ ರವರೆ ;ಭಾವಪೂರ್ಣ ಕವಿತೆ ತುಂಬಾ ಚೆನ್ನಾಗಿದೆ.ಧನ್ಯವಾದಗಳು.

    ReplyDelete
  11. ಸುಬ್ರಮಣ್ಯ...

    ಒಪ್ಪಿಕೊಂಡವಳು..
    ಅಪ್ಪಿಕೊಂಡರೆ...
    ತಪ್ಪಿಲ್ಲದಿದ್ದರೆ ಎಲ್ಲವೂ ಒಪ್ಪೇ...

    ಭಾವಗಳು ಸುಂದರವಾಗಿ ಚಿತ್ರಿತವಾಗಿದೆ...

    ಅಭಿನಂದನೆಗಳು...

    ReplyDelete
  12. ಕುಸು ಮುಲಿಯಾಳರವರೆ ಸೊಗಸಾದ ಭಾವಗೀತೆ ಬರೆದಿದ್ದೀರಿ.ಅಭಿನಂದನೆಗಳು

    ReplyDelete
  13. ಸೊಗಸಾದ ರಚನೆ ಧನ್ಯವಾದಗಳು ಸರ್......

    ReplyDelete
  14. ಮಂಗ್ಳೂರ ಮಾಣಿ,Shrikrishna Bhat M ರವರೀಗೆ ಧನ್ಯವಾದಗಳು.

    ReplyDelete
  15. ಸಿಮೆಂಟು ಮರಳಿನ ಮಧ್ಯೆ ಪ್ರಕಾಶಣ್ಣಾ,
    ಒಪ್ಪಿಕೊಂಡವಳು..
    ಅಪ್ಪಿಕೊಂಡರೆ...
    ತಫ್ಫೇನು..., ಎಲ್ಲವೂ ಒಪ್ಪೇ.
    ಇಲ್ಲದಿರೆ,
    ಜೀವನವೆಲ್ಲ ಬರೇ ಸಪ್ಪೆ.

    ReplyDelete
  16. ನಮಸ್ತೆ,
    ನಿಮ್ಮ ಭಾವದ ಗೆಳತಿಯ ಭಾವನೆಗಳ ಚೆನ್ನಾಗಿ ಅರಿತಿದಿರ..
    ಸುಂದರವಾದ ಸಾಲುಗಳು..

    ReplyDelete
  17. ಪ್ರೋತ್ಸಾಹಕ್ಕೆ ಧನ್ಯವಾದಗಳು!
    ಶುಭವಾಗಲಿ.
    ಪ್ರೀತಿಯಿಂದ,
    ಅದಮ್ಯಾಯುಷ್ಯ

    ReplyDelete